روني , ميسي , روبينهو , فابري , وغيرهم .. انتظروهم في كاس العالم

السلام عليكم ورحمة الله وبركاته


كلنا نتظر كاس العالم عشان نشوف اللاعبين الكبار الي نحبهم يلعبون ويمتعون ويتفننون
هذا رونالدو وزيزو رؤول وفيقو وباقي شلة الشياب

بس المشكله ان كلهم عجز ,, وشاطفين الثلاثين منذ مبطي ,, يعني احتمال تجي مباراة حاسمه و ما يكوونون في الفورمه ,, اوتخونهم اللياقه ,, ويجيبون العيد




بس الكلام الحين في الي يشعون نشاط وحيويه ,, وكلهم طاقااات مخزونه يبون يفجرونها في كاس العالم

تعالوا نتعرف عليهم واحد واحد



. . .

اول واحد الماتدور الاسباني


سيسيك فابريقاس


لاعب مجنون , لاعب خبل , لاعب مبدع من جد , تشوفه يلعب تحسه ابو ثمان وثلاثين سنه من الخبره الي فيه , وهو توه خاش الثمان طعش , حل بديل عن فييرا في الارسنال , اول الوقت كان ظعيف شوي ولا قدر يغطي الفراغ الي سببه فييرا , بس مع الوقت نساهم فييرا والي جاب فييرا , ابدع اينما ابداااع في بطولة ابطال اوروبا , وسوا الهوايل في الريال واليوفي واخيرآ في الفياريال , ونبي نشوف وش بيسوي في نهائي فرنسا ,, وان الله كتبه و ما رجع اكزافي من الاصابه << بيتصفق ,, بيلعب اساسي في المونديال مع شلة الماتدورات الاسبانيه , واحتمال يلعب في الوسط مع اكزافي ويتشوت براخا ,, عمومآ انتظروه في المونديال ولو احتياطي , الموهم انتظروه وبس



. . .

ثاني شخص معنا هو الظاهره الانجليزيه


واين روووني


ياخي من وجهه تحس انه مب سهل ابد , انتقل الموسم الماضي من ايفيرتون للمان , على ذكرى ابداااعه في كاس امم اوروبا الفين واربعه , الي سجل فيها اربع اهداف , ولولا الاصابه الي صكته كان ماله ومال هداف البطوله , بزر يحمل معه القوه والسرعه والتسديد والحماااس الزايد وهو توه ما عدا ثمان طعش سنه , مع انه من آواخر الاعبين الي جو للمان بس كلمة الحق تنقال شايل الفريق على راسه , تلقاه في الهجوم و الجناح وفي صناعة اللعب وفي المحور بعد , يعني لاعب كااامل والكامل وجه الله , كثير من النقاد راهنوا عليه انه مفاجأة المونديال , واولهم انا طال عمري << براا , هو ضامن مكانه في المنتخب , بس انتوا شوفوه واستمتعوا



. . .

اما ثالث شخص فهو من السامبا البرازيليه


مدري وشو بن مدري وشو ال روبينهو << اساميهم سوالف ذا البرازيلين


برازيلي , وش ظنكم بيصير , مدافع , حارس , حكم رايه , معلم شاورما ,, اكيد مهاجم << يسمع بالتشويق , يا عنده مهارات ذا الادمي , لو تجمع لاعبين الدوري السعودي كل ابوهم , ماجوا سحبه من سحباته << لعاد تشبه تكفى ,, لاعب مهاري درجه اولى , اذا لعب مباراة يقلب الملعب رياح وعواصف من المراوح الي يسويها , طبعآ هو جا من سانتوس البرازيلي لريال مدريد , ومن جا وهو ضامن اساسي في الهجوم اليسار , مسوي ثنائي مع رونالدو غير طبيعي , احتمال يضمن مكانه في المنتخب اذا مدرب البرازيل سكولاري او مدري منهو , ما سوا نفسه ذيب وطبب ادريانو مع رونالدو , لأني اشوف ذا الثنين ما يصلحون مع بعض ابد , لأن كلهم هدافين , وفي المباريات الي يلعبونها سوا يسجل الوسط الاهداف , الموهم اعذروني عالخطمه وانظرو الساحر البرازيلي في المونديال



. . .

اما الرابع فهو رقاصة التانقو الجميله


ليونيل ميسي


لاعب المنتخب الارجنتيني وبرشلونه الاسباني , اذا انطلق مع جهةاليمين قام المدافع يقشر بصل (وجه يناظر دل هورنو) , ياهي سرعه ياهي مهاره ياهو تسحيب , لاعب خيااااالي , يقولون كان فيه مرض يوم ان عمره اربع طعش , انه قصير ولا يطول , قام ابوه ووداه لم برشلونه وقال سجلوه عندكم وعالجوه , عطوه دوا وطال ولله الحمد والمنه ( ليت من يعطي ذا الدوا الشعب السعودي) , الموهم قبل لا يلعب مع الفريق الاول جات زحمه اعلاميه عليه , بحكم ان البرشلونيين غيرانين من روبينهو , وتوقع الكثير من النقاد , واولهم انا << كل تبن ,, انه زلابه وماعنده ماعند جدتي , وكل السالفه يبون يجاكرون روبينهو و الريال , بس ميسي وفي اول ظهور له لعب آخر ربع ساعه في مباراة في الدوري الاسباني وصنع هدف وسجل هدف , والدعوه صارة صز , وجانا بزر ما تعدى الثمان طعش من عمره نسانا رونالدينهو ومهارات رونالدينهو , وصار في كل مباراة يلعبها يتطور اكثر واكثر , لين جات مباراة تشلسي المشؤومه , الي خذ صك جهة اليمين في ملعب التشلسي وصار يسحب فيها رايح جاي , طبعآ هذا الوضع ما عجب قايد الفريق جون تيري , فجاك من بعييييييد وهو ماشي مليون ويمزع ميسي في رجله الين ما طيره في المدرجات , ومن بعدها والملك ميسي اسير غرفة العلاج ,, عمومآ الله يقوم ميسي بالسلامه و تشوفونه في المونديال ان شاء الله


. . .

وفيه كم لاعب بعد ,, نشطفهم بإختصار

. . .

الطاحونه الهولنديه ارين روبن





المبدع البرازيلي سيسينهو





اسطورة السويد ابو خليل





القطار الكوت دي فواري ايمانويل ايبوي





رؤول العرب سعد الحارثي << بيتصفق





ولا تزعلون , الشاب اليافع سامي الجابر




. . .